﻿Tshivenda


KHUWELELO YA U TA VHATHU VHANE VHA ḒO SHUMA KHA BODO YA ḼAIBURARI YA LUSHAKA YA MABOFU YA AFRIKA TSHIPEMBE (BLINDLIB).

					2007 U SWIKA 2010


Miraḓo ya ḽaiburari na sekithara ya tshumelo ya mafhungo, mabofu na vhavhali vha vhaholefhali vhane vha shumisa dzibureiḽi kana vha vhala nga u phuphuledza, na vhathu nga u angaredza vha khou humbelwa uri vha te vhathu vho teaho uri vha tholiwe kha Bodo ya Ḽaiburari ya Mabofu ya Afrika Tshipembe (Blindlib) ngei Grahamstown. Bodo i ḓo vhumbiwa nga miraḓo ya 7 ine ya ḓo tholiwa nga Minisiṱa wa Vhutsila na Mvelele. Miraḓo yeneyo i ḓo shuma u bva nga ḽa 1 Tshimedzi 2007 u swika nga ḽa 31 Khubvumedzi 2010. Bodo i ḓo dovha hafhu ya nanga miṅwe miraḓo nga murahu ha miṅwaha miraru. Bodo i ḓo ṱangana luna nga ṅwaha ngei Grahamstown kha ḽa Kapa Vhubvaḓuvha. Miraḓo ya Bodo i ḓo badelelwa fhedzi zwiḽiwa na vhudzulo na lwendo na zwiṅwe zwo teaho musi vha tshi ya miṱanganoni ya Bodo.


Mishumo mihulwane ya Bodo ndi u bveledza dziphoḽisi, u tendela  mugaganyagwama na zwitatamennde zwa masheleni, u thola vhashumi, u eletshedza Minisiṱa nga ha zwi kwamaho Blindlib u ya nga Mulayo wa Ḽaiburari ya Mabofu ya Afrika Tshipembe, wa 1998 (Mulayo wa vhu 91 wa 1998).

Vhathu vho tiwaho vha tea u imela vhashelamulenzhe vhane vha vha na vhukoni ho teaho ha u thusa Blindlib kha u swikelela ndivho kana zwipikwa zwayo. Vha tea u vha vha na nḓivho ya ḽaiburari na tshumelo dza mafhungo, vhukoni kha zwine zwa kwama vhavhali vha mabofu na vhavhali vhane vha shumisa dzibureiḽi kana vha vhala nga u phuphuledza nga u angaredza, nḓivho ya u bveledza dzibureiḽi kana zwa u thetshelesa zwa mabofu na vhavhali vha vhaholefhali, vhukoni kha zwa vhulanguli na zwa masheleni, na zwa tshomedzo dza zwa vhashumi, nḓivho ya u vhambadza, u davhidzana, na u kuvhanganya masheleni.



Muṅwe na muṅwe ane a ṱoḓa u ta muthu ane a ḓo shuma kha Bodo ya  Blindlib u tea u rumela zwi tevhelaho kha Muhasho wa Vhutsila na Mvelele (zwidodombedzwa zwa vhukwamani zwi afho fhasi):


• Luṅwalo lu ṋetshedzaho madzina nga vhuḓalo na zwidodombedzwa nga vhuḓalo zwa vhukwamani zwa muthu o tiwaho, na uri ndi ngani vha tshi mu ta; na madzina na zwidodombedzwa zwa vhathu vhararu vhane vha nga kwamiwa vhane vha ḓivha muthu onoyo
• Phindulo yo tou ṅwaliwaho i bvaho kha muthu o tiwaho i sumbedzaho uri u khou tendelana nazwo i kha fomo yo randelwaho ya u ta (ine ya wanala arali yo humbelwa).
• CV pfufhi ya muthu o tiwaho, ine ya ṱalutshedza uri ndi ngani o tea u tholiwa; nahone i re na zwi tevhelaho zwa muthu o tiwaho-;



a) Ṱhoho na madzina nga vhuḓalo
b) Nomboro ya Vhuṋe (ID)
c) Vhudzulapo
d) Zwidodombedzwa nga vhuḓalo zwa vhukwamani
e) Vhuimo vhune a vha khaho zwino na dzina ḽa mutholi
f) Ndalukano dza pfunzo
g) Tshenzhemo yo teaho
h) Masia a vhukoni
i) Vhuraḓo 
j) Tshumelo ya tshifhinga tsho fhiraho na ya zwino kha dzibodo
k) Mbeu
l) Lushaka



Madzina a vhathu vho tiwaho a tea u vha o swika nga ḽa 18 Fulwi 2007, nahone dzimbudziso na madzina a vhathu vho tiwaho zwi tea u rumelwa kha:

Vho – P Kekana
Dairekhithoreithi Khulwane ya Akhaivi dza Lushaka na Tshumelo ya Rekhodo zwa Afrika Tshipembe
Muhasho wa Vhutsila na Mvelele
Private Bag X236
Pretoria
0001

Luṱingo (012) 323-5300X3227/079-510-7235
Fekisi: (012) 323-5287
E-meiḽi:puleng.kekana@dac.gov.za







